味道研究所shake shake調味粉
創辦人：腳踏實地做人做事就好

「我10歲已經立志創業，畢業後打咗幾年工儲到創業第一筆錢，喺29歲出嚟創業，第一門生意好好彩賺到少少錢，但輾轉間又輸返晒，仲要輸到賣樓賣車，銀行存款所剩無幾。雖然跌低咗，但我相信有朝一日會成功，爬起身咬緊牙關再試多次，味道研究所就係咁樣出世」，阿Paul的故事，正正反映出創業家的非常決心。

味道研究所在疫情期間創立，以創新調味料為品牌的DNA。對一直經營梳化生意的阿Paul來說，做食品可謂風馬牛不相及的新嘗試，「年青時修讀時裝設計，畢業後在製衣行業打工，做了幾年後年薪升至80萬，未滿30歲已經有車有樓，可謂人生勝利組」，但偏偏阿Paul就不甘心一世做打工仔，決定實現小時候的夢想 ～ 做生意。29歲，拿着打工儲到的30萬，開始做梳化生意。第一次做生意，沒有人脈沒有經驗，唯有以最old school的方法「貼街招」去搵客。之後更被各大傳媒報道阿Paul公司的服務，令阿Paul先後獲得Pacific Coffee、港鐵、連鎖餐廳等等商業客戶的生意，生意漸漸上了軌道，「見生意上咗軌道，我變得懶散了，每日只工作4、5小時就收工，完全唔搏殺，後來發覺生意越來越少，先至醒覺。」

做了8年梳化生意，雖然賺到少少錢，但阿Paul沒有選擇再下去，反而以一元的價錢將公司及客戶給了老伙記，隻身投入到一個新的領域。「做咗8年梳化，有一班熟客，賺到少少錢，但行業人手短缺，所以想試吓做不太靠人手嘅科技生意。當時選擇做共享充電，一來當時香港仲未有；二來諗住呢類科技項目有得搏」。阿Paul到內地找廠方研發，廠方答應半年就能研發成功。誰想到，一個月後香港就爆出兩個共享充電品牌，嚇了阿Paul一跳，「真係估唔到，但已經簽咗200萬合約，100萬訂金又已經俾咗，唯有日日催廠方加快速度，點知到最後，預計半年會做好但結果一年半先做好， 而且軟件硬件都有好多bugs，日日仲要處理客服，而另外兩家行家，發展已一日千里，更吸引到投資者投資，我單靠自己銀包有限嘅錢，冇得鬥」。結果，為了這門生意，阿Paul三年來沒有收入，更變賣了層樓、車、甚至連手錶也賣了，才能支持生活及支付營運開支，「錢差唔多用晒，冇辦法繼續。結果我親手將價值100多萬的充電主機拆散，當廢鐵賣走，值7000蚊。」Paul百感交集。

阿Paul試過打工，試過做梳化生意，試過研發共享充電，最後是shake shake粉。

「我知道自己唔聰明，可能唔係做生意嘅材料，但我真係好鍾意做生意，靜落嚟檢討之後，最後決定用僅餘嘅少少錢，再試多一次做生意！」阿Paul喜愛創意，創造自己的品牌，又喜歡食，結果決定了做食品。

「我做嘅係Shake Shake調味粉，起初係『土炮式研發』，自己上網搵食譜然後買材料返嚟整，頭幾次整真係難食到飛起，但整多幾次慢慢就似樣，就係咁成功創作咗8款味道Shake Shake粉，之後好好彩獲得邀請上咗連鎖超市嘅貨架，開始有人認識我哋嘅品牌，真係好開心。」

阿Paul也有在HOFEX擺檔，從中認識了幾位潛在客戶。

Shake Shake粉除了用於炸物，也可用於沙律及肉類。現在已有餐廳使用Shake Shake粉，於在沙律吧讓食客自己調配。

商用1kg大包裝，滿足不同餐飲客戶的需要。

今年5月，阿Paul帶著新產品參加了HOFEX食品展。「今次，係我哋第一次參加HOFEX，一次過發佈最新推出嘅18款Shake Shake粉，例如『說好不哭洋蔥芝士Shake Shake粉』、『蒜香奶油驅魔人Shake Shake粉』、『千金不換青咖喱Shake Shake粉』等， 每一款都好俾心機創作出嚟，真係好好味道，食薯條炸雞就最正，用喺其他炸物或烤物都好夾㗎！」現時已開始有餐廳及酒店向味道研究所取Shake Shake粉用於餐廳的菜式上，更有知名大品牌主動洽談合作。

創業路上有起有跌，但阿Paul就是對自己夢想的那份堅持及永不放棄的精神，做就出阿Paul的創業故事。